.

Mkurugenzi wa kampuni ya MAG Promotion entertainment East Africa ili Maganya Fadhili akiongea na Mwandishi wa blogu hii kuhusiana na wazo lake la kuanzisha mara all starz

.

KAMPUNI ya Mag Promotions na Entertainment East Africa inakusudia kuwaunganisha wasanii wote wa muziki wa Injili na wale wa kizazi kipya wanaotokea mkoani Mara ikiwa ni juhudi za kuiga mfano wa wasanii wanaunda kundi la  Kigoma All Stars.

Kwa mujibu wa taarifa iliyotolewa na mkurugenzi wa kampuni hiyo, Maganya Fadhili alisema kuwa kuwa kampuni yake inajishughulisha na masuala ya kuwapromoti wasanii mbalimbali nchini ameona ni bora awaunganishe wasanii wanaotoka mkoani Mara kwa kuzingatia na yeye ni mzaliwa wa mkoani humo.

Fadhili,ambaye alivunja rekodi ya kumleta msanii Jose Chamilione mwaka 2002 na kumtembeza mikoa 17 hapa nchini alisema kwamba huu ni wakati wa wasanii kutoka mkoani Mara kama Judith Wambura”Lady Jay Dee” kuungana kwa pamoja ili kujiletea maendeleo.

Hatahivyo,alisema tayari alishafanya utaratibu wa kuwasiliana na baadhi ya wasanii  wanaotoka mkoani ambapo wamemsapoti na kusisitiza kuwa pindi utaratibu ukishakamilika watakubalina kufanya kazi kwa ushirikiano.

Alitoa wito kwa mapromota wa kazi za wasanii wanaotoka mkoani Mara kama Jospeh Kusaga na Chief Kiumbe kumsapoti katika harakati hizo ili kuutangaza mkoa wa Mara aliodai una fursa nyingi za kiuchumi.

“Natoa wito kwa mapromota mbalimbali wa kazi za muziki kama Kusaga na Chief Kiumbe wanaotoka mkoani Mara tuunganishe nguvu kwa pamoja ili kuutangaza mkoa wa Mara”alisema Fadhil